25-26 sentabr kunlari Sharm al-Shayxda (Misr) AIIB Boshqaruvchilar kengashining yillik yig‘ilishi bo‘lib o‘tdi.

Osiyo infratuzilma investitsiyalari banki Boshqaruvchilar kengashining yillik yig‘ilishi butun dunyodan delegatlar, hamkorlar, biznes rahbarlari, fuqarolik jamiyati tashkilotlari va ekspertlar o‘rtasida dinamik muloqotlar uchun platforma bo‘lib xizmat qiluvchi muhim tadbirdir.

Boshqaruv kengashi yig‘ilishi tashkilot tomonidan yil davomida erishilgan barcha natijalarni muhokama qilish, AIIBning istiqboldagi strategik yo‘nalishi va tashabbuslari bo‘yicha aksiyadorlardan tavsiyalar olish uchun noyob imkoniyat yaratadi.

Ma’lumot uchun: Osiyo infratuzilma investitsiya banki (AIIB) Osiyo-Tinch okeani mintaqasida infratuzilma loyihalarini amalga oshirishni qo'llab-quvvatlash uchun 2014-yil 24-oktabrda tashkil etilgan.

Bank Boshqaruvchilar kengashining sakkizinchi yillik yig‘ilishi o‘tkaziladigan joy sifatida Misr tanlangani tasodifan emas, bu AIIBning Afrika, Yevropa va Osiyoni bog'laydigan mintaqada aktsiyadorlar, mijozlar, hamkorlar va manfaatdor tomonlar bilan umumiy ustuvorliklarni hal qilishda muloqot va hamkorlikni chuqurlashtirish istagi bilan bog‘liq..

Tadbir “Murakkab dunyoda barqaror oʻsish” mavzusida boʻlib oʻtdi, bu AIIBning barqaror oʻsishni taʼminlovchi asosiy infratuzilma loyihalarini qoʻllab-quvvatlash, shuningdek, iqlim oʻzgarishi va uning taʼsiri bilan bogʻliq dolzarb masalalarni hal etish boʻyicha doimiy majburiyatini taʼkidlaydi.

2023 yilgi AIIB yillik yig‘ilishining keng qamrovli dasturi Osiyo va undan tashqarida barqaror o‘sish bilan bog‘liq so‘nggi tendensiyalar va muammolarni muhokama qiluvchi keng doiradagi panel sessiyalarini o‘z ichiga olgan.

E’tiborlisi, tadbirga taklif etilgan ma’ruzachilar va ishtirokchilar orasida mamlakatimiz vakillari ham bor edi.

Ishtirokchilarda yurtdoshlarimizning ma’ruzalari katta qiziqish uyg‘otdi:

O‘zbekiston Respublikasi investitsiyalar, sanoat va savdo vaziri Laziz Qudratov (“Markaziy Osiyoning suv-energetika muammolari: O‘zbekistonda barqaror kelajak qurish” Davlat dasturi sessiyasi);

- Iqtisodiyot va moliya vazirligining Davlat qarzi departamenti bosh direktori vazifasini bajaruvchi Zarifjon Olimjonov (“Barqaror rivojlanish obligatsiyalaridan foydalangan holda barqaror infratuzilmani moliyalashtirish” Davlat dasturi sessiyasi ).

O‘zbekiston 2016-yil 29-noyabrdan buyon AIIB a’zosi hisoblanadi. Mazkur xalqaro moliya tashkiloti bilan o‘zaro manfaatli hamkorlik doirasida mamlakatimizda suv ta’minoti, avtomobil yo‘llarini qurish va rekonstruksiya qilish, temir yo‘llarni elektrlashtirish, hududlarda bazaviy infratuzilmani kompleks rivojlantirish sohasida qator infratuzilma loyihalar birgalikda samarali amalga oshirilmoqda.( loyihalar umumiy qiymati 2,0 mlrd).

Shuningdek, tadbirda Marketing va tahlil departamenti, Tashqi iqtisodiy va xalqaro aloqalar departamenti hamda Moliya-iqtisod departamenti mutaxassislaridan iborat “InterForum” DUK delegatsiyasi ham ishtirok etganini ta’kidlash lozim.

Tashkilotimiz vakillari oldida Yalpi majlis va panel majlislarida ishtirok etish bilan birga, bunday keng ko‘lamli tadbirni tashkil etish va o‘tkazish bo‘yicha mavjud tajribalarini kengaytirish va ma’lum darajada boyitish vazifasi ham belgilangan.

Shu maqsadda AIIB tadbirlarni tashkil etish bo‘limi boshlig‘i janob Kay CHENG bilan uchrashuv tashkil etildi va o‘tkazildi.Janob Kay CHENG  o‘z hamkasblari bilan tadbirlarga tayyorgarlik ishlarining tartibi va muddatlari, zallarni bezash va loyihalashda ilg‘or muhandislik-texnik yechimlar, pudratchilar uchun texnik shartlarni rasmiylashtirishning nozik jihatlari, tayyorgarlik ishlari davomida yuzaga kelishi mumkin bo‘lgan turli xil texnik hodisalar va ularni o‘z vaqtida bartaraf etish bo‘yicha batafsil ma’lumot berdi.

Shuningdek, tadbirda ovqatlanishni tashkil etish va nazorat qilish bo'yicha mutaxassislar keng ko'lamli tadbirlar o'tkaziladigan joylarda umumiy ovqatlanish xizmatining ideal ishini tashkil etish bo'yicha tajriba va bilimlari, sirlari bilan hamkasblarimiz bilan bajonidil o'rtoqlashdilar.

Alohida e’tibor qaratilgan masalalar orasida tadbir ishtirokchilarini transport vositalari bilan, mehmonxonalarda turar joy bilan ta'minlash, tadbir ishtirokchilarining shaxsiy xavfsizligi va ommaviy axborot vositalari vakillari uchun qulay mehnat sharoitlarini yaratish masalalar.

Mehmonlarni ro‘yxatga olish, barcha ma’lumotlarni elektron jadvallarga jamlash, tashrif qog‘ozlari uchun QR kodlarni yaratish, maxsus nishonlarini chop etish va tadbir ishtirokchilariga tayyor nishonlarni tarqatish metodologiyasi va tartibi “InterForum” DUK delegatsiyasi e’tibordan chetda qolmadi.

Tadbir doirasida xorijlik ishlab chiqaruvchilar bilan korporativ sovg‘alar va boshqa maxsus  iste’mol tovarlarini ishlab chiqarish va O‘zbekistonga yetkazib berish imkoniyatlari bo‘yicha muzokaralar tashkil etildi.

Ko‘plab samarali uchrashuvlar va muhokamalar bo‘lib o‘tdi, natijada olingan ma’lumotlardan katta taassurot olgan delegatsiyamizning har bir vakili ijodiy marketing vositalari va konseptual yondashuvlardan foydalangan holda har bir alohida sohada qanday ishlash bo‘yicha aniq tasavvur va g‘oyalarni ishlab chiqdi.

Osiyo Infratuzilma Investitsiyalari Banki Boshqaruvchilar kengashining navbatdagi toʻqqizinchi yillik yigʻilishi 2024-yilda O‘zbekistonda bo‘lib o‘tadi.

Demak, oldimizda ulkan va mas’uliyatli vazifalar turibdi.

Bizning qat'iyatli intilishlarimiz, shajoatimiz, boyitilgan tajribamiz va tadbirni tayyorlash va tashkil etish bo'yicha to'g'ri ishlab chiqilgan strategiyamiz kerakli natijalarga erishishimizga yordam beradi, deb umid qilamiz.