Qariyb 80 yil davomida Birlashgan Millatlar Tashkilotining Ta'lim, fan va madaniyat masalalari bo'yicha tashkiloti (YUNESKO) insoniyatning madaniy meroslarini himoya qilish, davlatlar oʻrtasida maorif, fan, madaniyat va kommunikatsiyalar sohasida hamkorlikni rivojlantirish yoʻli bilan tinchlikka va xalqaro xavfsizlikka koʻmaklashish maqsadida faoliyat yuritmoqda. Tashkilotning xalqaro miqyosdagi o‘rni juda muhim.

Oʻzbekiston Respublikasi 1993-yilda YUNESKOga aʼzo boʻlgan va ikki marta tashkilot Ijroiya kengashiga saylangan. 1995-yildan boshlab O‘zbekiston delegatsiyalari YUNESKO Bosh konferensiyasining barcha sessiyalarida faol ishtirok etib kelmoqda.

YUNESKO shafeligidagi hamkorlik yillari davomida O‘zbekistonda turli xalqaro va mintaqaviy forumlar o‘tkazildi, madaniy meros va boyliklarni ilmiy tadqiq etish, ommalashtirish, ulardan oqilona foydalanish masalalari bo‘yicha ko‘plab qo‘shma loyihalar va keng ko‘lamli tashabbuslar amalga oshirildi.

Tashkilot nafaqat muammolarga e'tibor qaratadi, balki umumiy ilmiy salohiyatni ochish va xalqaro ilmiy hamjamiyat bilan samarali hamkorlikni yo'lga qo'yishning muhim mexanizmi bo'lib xizmat qiladi.

Bularning barchasi O‘zbekiston bilan YUNESKO o‘rtasidagi munosabatlar sifat jihatidan yangi bosqichda samarali rivojlanib borayotganidan dalolatdir.

YUNESKOning navbatdagi 43-Bosh konferensiyasini Samarqandda o‘tkazishga tashkilotga a’zo davlatlarning bir ovozdan roziligi ham ramziy ma’noga ega. E’tiborlisi, Samarqand 1985-yildan buyon birinchi marta YUNESKO Bosh konferensiyasi o‘z qarorgohi tashqarisida o‘tkaziladigan shaharga aylanadi.

Konferentsiya 2025 yilning noyabr oyida bo'lib o'tadi. Ma’lum bo‘lishicha, O‘zbekiston madaniyati va san’atini rivojlantirish jamg‘armasi sessiya tashkiliy qo‘mita ishchi organi, “InterForum” davlat unitar korxonasi esa “InterForum” davlat unitar korxonasi tadbirni tashkillashtirish bo‘yicha bosh operator etib tayinlangan.

Samarqand shahrida boʻlib oʻtadigan YUNESKOning 43-Bosh konferensiyasiga tayyorgarlik koʻrish doirasida Oʻzbekiston Respublikasi vazirlik va idoralari, “InterForum” davlat unitar korxonasi masʼul vakillari hamda YUNESKO Kotibiyati boʻlimlari rahbarlari oʻrtasida videokonferensiya formatida muzokaralar boʻlib oʻtdi.

Kun tartibidan tashkiliy masalalar va tadbirga tayyorgarlikning borishi, jumladan, ishchi guruhlarni shakllantirish, biznes-dastur, taklif kampaniyasi va texnik masalalar muhokama qilindi.

Muzokaralar yakunlari bo‘yicha tomonlar YUNESKOning 43-Bosh konferensiyasiga tayyorgarlik ko‘rish bo‘yicha keyingi qadamlarni belgilab oldilar va o‘zaro hamkorlikning asosiy jihatlari bo‘yicha aniq kelishuvlarga erishdilar.

Samarqand sessiyasi YUNESKO tarixidagi noyob voqea, xilma-xillik va sivilizatsiyalar va madaniyatlar o‘rtasidagi muloqot timsoliga aylanishiga ishonch bildirildi.